Ua faimalaga atu nei sui o le Vaega e Puipuia Gataifale (Maritime Wing) mo Aoaoga i Ausetalia.

O vaaiga nei i le vaveao analeila, i le malae vaalele fa’avaomalo i Faleolo, i nisi o aiga ma fanau sa faamavae atu i sui o le Matagaluega o Leoleo,Falepuipui ma le Toefuata’iga ao fa’asauni atu mo lo latou malaga i Ausetalia.

Na avea le afioga i le Sui Komesina Lafaitele Herbert Aati ma sui o le ali’i Komesina ma le Matagaluega o Leoleo, Falepuipui ma le Toefuata’iga e faaleo se upu fa’ala’ei’au i le auva’a.

O sui nei a le Vaega e Puipuia Gataifale (Maritime Wing) o le a faapea ona auai atu i ni aoaoga i Ausetalia mo le 3 masina.

O le a faapea ona faafoe ma tautai mai e sui o le Matagaluega le sa o le Nafanua 3 (Guardian Class Patrol Boat) i le toe taliu mai ai o le faigamalaga.

Tautai le Atua i ala uma o le a uia