FAASILASILAGA

SAMOA E, O LE A E’E IA l MAUGA 0 AO MA FAALEPA I ULUULU O LAAU OU PAlA MA SA LE AVEA E  LE GAFATAULJMAINA E SE FAAMATALAGA. O OE LAVA SAMOA O LE FUE LAVELAVE E LE MAFAl ONA OU AUTALAlNA,  OE O LE IA IVllVIA. AE MUAMUA ONA FAATULOU ATU I LAU MAIMOA FAAFOFOGA NEI LAPE LE GAGANA ONA FAI LEA MA SALA O LE MATAGALUEGA.

UA LA’GA SE LEO ONA O LO’O LUPE LE LAFO A LUALEMANA; O LE TALIGAMALO A SI O TATOU ATUNUU l TAALOGA O LE PASEFIKA 2019. O LE ASO 4 lULAl 2019 E AMATA TAUNUU MAI Al AU TAALO MA I ATUNUU MAI FAFO. O LE A API TASI UMA AU TAAALO I LE LAUMUA O LE EKALESIA METOTISI I FOGAA FALEULA.

O LEA E TATALO ATU AI MA LE AGAGA FAAALOALO TELE LAVA I LE MAMALU O SI O TATOU ATUNUU FAAPEA LE PULE MAMALU A ALII MA FALPULE, IA ALOFAGIA IA FESOASOANI MAI I LE MATAGALUEGA O LEOLEO AUA LE TAUSIGA MA LE MALU PUIPUlA O LE SAOGALEMU O AU TAAALO UMA I LE TAUNUU MAI SEIA OO INA TOE TUUVAA ESE ATU MA LE SAOGALEMU I O LATOU ATUNUU.

E FAAPITO LE TALOSAGA I LE FAAMALUMALUGA l AFIOAGA O FALEULA, AELE MA TOAMUA. O AFIOAGA MA PULEGA IA O LOO TUAOI MA LE AAI O LE EKALESIA METOTISI I FALEULA O LOO API AI AU TAAALO. O TUAMAOTA MA TUALAOA FAAPEA MA LE GATAIFALE E MOOMIA IA MALU PUIPUIA.

E TATALO ATU FOI I LE FAAMALUMALUGA I LE PULE MAMALU I A FIOAGA O VAIMOSO, LEPEA, VAILOA FALEATA, TALIMATAU. TULAELE, VAIUSU, VAIGAGA MA VAITELE-UTA, SIUSEGA MA ULULOLOA; O LOO TUAOI MA TUANAIMATO O LOO IAI MALAE MA FALE TAALO O LE A FAIA Al LE TELE 0 TAALOGA O FAFO MAI O LE PA O LOO SIOMIA Al LE MALAE ATOA IA MALU PUIPUIA.

E FAAPEA FOI LE TATALO I LE FAAMALUMALUGA I LE PULEGA A AFIOGA 0 APIA. MATAUTU-UTA, VAIALA, VAIPUNA, MOATAA, MAGIAGI, VAIVASE -TAI/UTA, TOOMATAGI MA FAGALII; O AFIOAGA IA O LOO SIOMIA LE APIA PARK, MATAGIALALUA, O LE PAPA I GALAGALA (NUS) MA LE MALAE TAPOLO.

I LE MOTU TELE I SALAFAl I LE AFIOGA I SALELOLOGA; O LE A FAIA ATU lAI LE FAAGATAMA 0 FUSUAGA. E TATALO ATU lLE PUIPUIGA MA LE FAAMALUMALUGA I LE PULE MAMALU A ALII MA FAIPULE I AIGA MA SALAFAI IA OUTOU ALOFAGIA LE SAOGALEMU 0 TAALOGA l LE LAUMUA O LE AOGA DON BOSCO I SALELOLOGA.

SAMOA E, O OE LAVA O LE MATUA FAITAMA, E TE FAATONU MA AOAI, E MATUA LE TUU IA TE OE. AFAI UA PAO PAPA LE GAGANA MA UA LE TAUTAMALII LAU MAIMOA FAAFOFOGA IA LAFO I NUU LE AINA SO MATOU VAIVAI MA FAAMAGALO LAU MATAGALEGA .

IA MANUIA PEA OE SAMOA MA LAU MAIMOA FAAFOFOGA. IA MANUIA LAU TAPUAIGA I LE ALO ATU O AU TAMA FANAU I TAALOGA 0 LE PASEFIKA 2019.

SOIFUA

PAPALII MONALISA TIAI-KETI

SUI KOMESINA O LEOLEO